martes, 29 de septiembre de 2015

FALEMOS DE LIBROS...

Hoxe falamos de libros con Eugenia Roca Capdevila, unha das axudantes de biblioteca de 6º de Primaria, auténtica apaixonada da pintura, dos libros e de Laura Gallego. A esta autora pertence, precisamente, a obra cuxa lectura acaba de rematar: Mago por casualidad (Ed. SM), que se encontra á vosa disposición na biblioteca do Fogar. 






Por se vos apetece saber de que trata, aquí vos deixamos o booktrailer do libro:



E agora, o cuestionario de Eugenia:

1.Que estás a ler agora mesmo?
Memorias de Idhún II: Tríada, de Laura Gallego. 


2.Cal é o teu libro favorito?
Memorias de Idhún I:La Resistencia, de Laura Gallego, porque é un libro apaixonante. 


3.Cal é a túa personaxe favorita?
Victoria, da saga Memorias de Idhún, porque ten algo fermoso, aínda que non vos vou contar que é, tedes que ler os libros.


4.Cal é o teu autor favorito?
Laura Gallego García. 


5.Cal é o teu xénero favorito? (aventura, terror, policiaco, amor, ciencia-ficción, humor, cómic, poesía...)
Aventura, amor e fantasía. 


6.Un libro para chorar...
El Quijote, de Cervantes, porque me dá moita pena que se burlen dun tolo. 

7.Un libro para rir...
Diario de Greg, de Jeff Kinney e Diario de Nikki, de Rachel Renée Russell, porque lles acontecen moitas pallasadas.  


8.Con que libro pasaches máis medo?
Eu non leo libros de medo, pero pasei un pouco de medo co libro The mistery team 1, de Wendy Davies, até o punto de que tiven que deixar a súa lectura. 


9.O teu poema favorito...

"Caminante no hay camino..."

Caminante, son tus huellas
el camino, y nada más;
caminante, no hay camino:
se hace camino al andar.

Al andar se hace camino,
y al volver la vista atrás
se ve la venda que nunca
se ha de volver a pisar.

Caminante, no hay camino,
sino estelas en la mar.
     
                                         (Campos de Castilla, Antonio Machado)


10.Cal vai ser a túa próxima lectura?




viernes, 25 de septiembre de 2015

E XA CHEGARON OS PRIMEIROS DEBUXOS...

Esta semana botamos a andar a segunda edición do "Concurso de Debuxo polo Día Mundial dos Animais" e xa chegaron ás nosas mans as vosas primeiras creacións, que agora mesmo están a decorar a biblioteca.


Xa temos lobos,
Autora: Eugenia Roca Capdevila (6ºC)
Baseado en: El lobo ¡Vaya fauna! (Ed. SM)


elefantes, quenllas...

Autoras: Andrea López Barcia e Laura García Fernández (5ºC)
Baseado en: Elefantes (Ed. Todolibro) e Tiburones (Ed. Todolibro)


e até animais fantásticos, como os dragóns

Autora: Lola Cascón Vía (5ºA)
Baseado en: Manual de dragones mortíferos (Ed. SM)


Autora: Lola Cascón Vía (5ºA)
Baseado en: 
Manual de dragones mortíferos (Ed. SM)


Autora: Lola Cascón Vía (5ºA)
Baseado en: 
Manual de dragones mortíferos (Ed. SM)


Aínda non pasastes pola biblioteca a coller libros para participar? Pois nesta fotografía só tedes unha pequena mostra dos moitos que tedes para escoller:


sábado, 19 de septiembre de 2015

E COA VOLTA AO COLE... VOLVEN OS CONCURSOS!

O 4 de outubro conmemórase o "Día Internacional dos Animais", polo que desde o Plan Lector decidimos dedicarlle ese mes aos cans, ás baleas, aos cabalos, aos crocodilos e a todos os nosos amigos do mundo animal. Así, invitámosvos a todos os alumnos de Primaria a participar na "II edición do Concurso de Debuxo polo Día Mundial dos Animais". Apetécevos participar? Pois é moi sinxelo. Só tedes que seguir os seguintes pasos:
1. Vide pola biblioteca e escollede un libro no que saian animais (por exemplo, un manual sobre os mamíferos ou unha novela na que apareza algún animal).
2. Levade o libro en préstamo para a vosa casa e lédeo tranquilamente.
3. Unha vez rematada a lectura, facede un debuxo inspirado na obra e nalgún (ou algúns) dos animais que aparezan nela.
4. Cando acabedes o debuxo, poñédelle o voso nome e apelidos, a vosa clase e o título do libro no que está inspirado. Logo, pasade pola biblioteca a entregárnolo.
Con todos os debuxos que vaiamos recibindo iremos decorando a biblioteca para celebrar "o noso mes dos animais".

Os autores dos mellores debuxos gañarán un premio sorpresa, establecéndose tres categorías:
- Mellor debuxo de 1º e 2º de Primaria.
- Mellor debuxo de 3º e 4º de Primaria.
- Mellor debuxo de 5º e 6º de Primaria.

Os debuxos, logo de permanecer un tempo decorando a biblioteca, serán reunidos nun libro que pasará a formar parte da biblioteca, quedando a disposición dos alumnos na sección "As vosas creacións".

Entre as novidades deste mes na biblioteca atoparedes varios libros sobre animais. Aquí vos amosamos algúns:


  





 








Porén, son moitas máis as obras presentes na biblioteca nas que os animais son grandes protagonistas. A modo de pequena mostra, aquí vos deixamos algunhas que a bo seguro vos farán desfrutar:


"O grilo Míllelo é un grilo moi cantareiro.

Canta pola mañá cando o sol nace
tras as montañas.

Canta ó mediodía
cando o sol sobe ó 
máis alto do ceo

Canta pola tardiña cando o sol se mergulla nas augas do mar."



"Así que chegou a noite, Carmela meteuse na cama
debaixo de sete cobertores, e agardou.
De alí a pouco, fóra da casa, tronou unha voz:
- Carmela, son Tío Lobo, e voute papar!"


"Alá, no cabo do mundo,
no país onde o vento dá a volta,
vivía unha pequena cebra chamada Camila.

Como naquel lugar o vento era tan revirado,
Camila tiña que andar con moito coidado
para non perder as súas vestiduras."



"Marga deu unha volta arredor da cama, para ve-lo crocodilo desde outra posición. E o crocodilo tamén foi dando media volta. Ela miraba para el e el miraba para ela. Non lle quitaba ollo. Abríao e pechábao paseniño, coma se a pálpebra lle pesase moito, sempre ollándoa a ela. O crocodilo fitábaa, abría e pechaba o ollo e facíao dun xeito que daba ganas de durmir. E o rabiño, tristrás, dun lado para outro, coma se estivese ledo."






"Además, la conferencia estaba a punto de comenzar, y los preparativos daban mucho que hacer. Las aves cantoras ensayaban en el conservatorio el himno solemne de apertura. El pájaro carpintero marcaba el ritmo. Como el pavo real, creyendo que tenía una voz bonita, también quería graznar, hubo una breve discusión. Luego abandonó de prisa la sala batiendo su espléndida cola."

"Había una vez un valle... y en el valle tres granjas, y en las granjas, tres granjeros. Tres granjeros bastante feos, por cierto. Y además, antipáticos. Más feos y más antipáticos que Satanás. Se llamaban Benito, Buñuelo y Bufón.
(...)
Y encima del valle había un bosque... y en el bosque, un árbol enorme, y en el árbol un agujero, una madriguera, que era el hogar de don Zorro, doña Zorra y sus cuatro zorritos.
(...)
Pronto se enteraron los tres granjeros de las fechorías de este zorro y antes de que les robara más animales, decidieron ir a por él."


jueves, 3 de septiembre de 2015

UN CONTO DE BOA NOITE...

No Fogar dos Libros sabemos moi ben que non hai mellor forma de rematar o día que escoitando un bo conto antes de ir durmir, e por iso aquí vos deixamos un para que desfrutedes del esta noite. O conto non é outro que "Cincenta". Ese xa nolo contaron mil veces!, estaredes a pensar; porén a bo seguro que esta non é a versión que vós coñecedes. Esta é moito máis divertida. É a versión do xenial Roald Dahl, na voz da extraordinaria contacontos Beatriz Montero. Velaí vai:


Se vos gustou o conto, non dubidedes en pasar pola biblioteca do Fogar cando comece o curso, pois está a agardar por vós o libro do que sacamos esta versión de "Cincenta". A obra titúlase Cuentos en verso para niños perversos, e contén divertidísimas adaptacións de contos clásicos como "Brancaneves", "Carapuchiña Vermella" ou "Os tres porquiños", magnificamente escritos por Roald Dahl e ilustrados polo non menos xenial Quentin Blake.