martes, 30 de junio de 2015

FALEMOS DE LIBROS...




Esta semana falamos de libros con Martín Pérez Lois,
un lector incansable que acaba de rematar 4º de Primaria.
Queredes saber cal é o seu libro favorito? Gustaríavos 
coñecer cal foi a obra coa que pasou máis medo? 
Pois aquí vai o seu cuestionario:




1.Que estás a ler agora mesmo?
O libro que estou a ler é El niño que no sabía jugar al fútbol, de Ernesto Rodríguez Abad.


2.Cal é o teu libro favorito?
O meu libro favorito é o número 3 da colección Los Futbolísimos, titulado El misterio del portero fantasma.


3.Cal é a túa personaxe favorita?
A miña personaxe favorita é Pakete, de Los Futbolísimos.


4.Cal é o teu autor favorito?
O meu autor favorito é Roberto Santiago.


5.Cal é o teu xénero favorito? (aventura, terror, policiaco, amor, ciencia-ficción, humor, cómic, poesía...)
O meu xénero favorito é o de aventura.


6.Un libro para chorar...
Sempre Hausa, de Xoán Babarro.


7.Un libro para rir...
Calquera dos de Gerónimo Stilton.


8.Con que libro pasaches máis medo?
O libro co que pasei máis medo foi El terror de sexto B, de Yolanda Reyes.


9.O teu poema favorito...
        Galicia

Galicia docemente
está ollando o mar:
¡ten vales e montanas
e terras pra labrar! 

Ten portos, mariñeiros,
cidades e labregos
¡cargados de traballos,
cargados de trafegos!

Galicia é unha nai
velliña, soñadora:
¡na voz da gaita rise,
na voz da gaita chora!

Galicia é o que vemos:
a terra, o mar, o vento...
¡Pro hai outra Galicia
que vai no sentimento!

Galicia somos nós:
a xente e mais a fala
¡Si buscas a Galicia
en tí tés que atopala!

                  (Os soños na gaiola, de Manuel María)

      
10.Cal vai ser a túa próxima lectura?
A miña próxima lectura vai ser El mundial de fútbol más raro del mundo, de Carlos Peramo.

jueves, 25 de junio de 2015

OS LIBROS MÁIS LIDOS DO CURSO 2014-2015


Agora que terminou o curso, chega a hora de anunciar cales foron os libros máis prestados da biblioteca. Aquí tedes o top ten:

10. As bruxas (Roald Dahl): trátase dun libro cheo de humor, no que asistimos á historia dun rapaz e maila súa avoa, que se enfrontan á terrible Asociación de Bruxas de Inglaterra, mentres estas, baixo a apariencia de mulleres correntes, celebran a súa convención anual nun hotel. Ninguén cre nas bruxas, mais haber hainas. E estas das que fala Roald Dahl posúen poderosísimos nenicidas. Os nenos para unha bruxa son sucios e fedorentos, o inimigo que hai que exterminar... E non son esas vellas feísimas de voz renxente, traxes negros, sombreiros picudos e vasoiras aerodinámicas. Do que se fala aquí é das bruxas verdadeiras, das que fan traballos normais, levan unha vida normal e adoitan levar luvas porque, na realidade, teñen gadoupas por mans, pés cadrados sen dedas e utilizan caramelos e chocolates como engano para destruir nenos.


9. Diario de un gato asesino (Anne Fine): en forma de diario, o gato Rasputín conta aquí a que se arma na súa casa cando aparece cun paxaro morto na boca. Despois diso, todos cren que foi tamén el quen matou o coello dos veciños e todo se lía aínda máis. Será Rasputín un verdadeiro gato asasino? Todos os que vos animedes a mergullarvos nas páxinas desta obra atoparedes unha divertida historia na que se demostra que, moitas veces, as cousas non son o que parecen

8. El Superzorro (Roald Dahl): nesta obra encontrámonos con tres granxeiros, Benito, Buñuelo e Bufón, símbolo da glotonería, da suciedade e da fealdade, os cales viven nun fermoso val. Moi preto deles, viven un raposo e a súa familia, no burato dunha enorme árbore. Os tres granxeiros queren acabar co raposo, para que non lles roube galiñas. Dado que o listísimo raposo logra escapar sempre, os granxeiros irán empregando trampas cada vez máis violentas para darlle caza. Conseguirán finalmente atrapalo?
Este relato constitúe unha fermosa defensa da bondade e o inxenio fronte a maldade e a violencia.




7. ¡Jorge habla! (Dick King-Smith): neste libro vemos como, cando Jorge ten tan só catro semanas, a súa irmá Laura descobre que non é un bebé corrente. Jorge sabe moitas cousas e pódellas ensinar a Laura. Porén, Jorge pídelle que garde o seu segredo até que el considere que os seus pais están preparados para recibir esa impactante nova.

6. A escola dos piratas (Agustín Fernández Paz): vemos nestas páxinas como, nun inverno de chuvia interminable, a escola de Marta, construída no cume dun outeiro, comeza a deslizarse pola aba do monte até chegar ao río e, máis tarde, ao mar, navegando coma un verdadeiro barco. Malia as prohibicións da estrita directora e do xefe de estudos, Marta e os seus compañeiros, coa axuda de Ana, a profesora da clase, conseguen converter a experiencia en toda unha aventura pirata, onde as únicas leis son as das persoas que aman a liberdade. Estamos perante unha novela que realiza unha férrea defensa da imaxinación como única forza capaz de mudar o mundo, especialmente cando se actúa de forma conxunta.


5. El misterioso manuscrito de Nostrarratus (Gerónimo Stilton): esta foi a obra máis prestada de todas as protagonizadas por Gerónimo Stilton, o famoso editor de El Eco del Roedor, o xornal máis lido da Illa dos Ratos. Nesta aventura encontrámonos con que Gerónimo estaba convencido de que o Manuscrito de Nostrarratus sería todo un éxito de ventas. Este libro predixera todo, até a data da fin do mundo! Mais Gerónimo non era o único editor interesado neste manuscrito e así, cando menos o esperaba, a súa vil competidora, Sally Ratonen, rouboullo. E oxalá fose esta a única preocupación de Gerónimo! Antes de recuperar o manuscrito deberá sobrevivir a unha importante viaxe a Ratonkfurt, organizada pola súa divertida secretaria Pinky.


4. Diario de Greg. Un pringao total (Jeff Kinney): esta obra está protagonizada por Greg, un dos rapaces menos populares do instituto. Aínda que el e o seu amigo Rowley non paran de intentar destacar mediante algunha das súas "fazañas", ningunha das que planean xuntos semella triunfar. Porén, pouco a pouco, a noxenta valentía de Rowley parece ter certo éxito, até o punto de que ao final será nomeado pola revista do instituto o alumno máis divertido do ano. Nesta novela o autor leva ao extremo, incluso ridiculizándoas, as eternas rivalidades adolescentes, que fan que a miúdo se traizoe os amigos no afán por ser os máis populares do instituto.


3. Los Futbolísimos. El misterio del portero fantasma (Roberto Santiago): asistimos aquí ao comezo do curso e, tamén, da Liga para os futbolísimos. Moi pronto, as cousas se complican: a súa praza na Liga Intercentros depende de que gañen dous partidos e, ademais, entra en escea un neno chinés que parece que para os goles coa mente...

2. Frederick (Leo Lionni): o protagonista deste fermoso clásico da literatura infantil é un rato chamado Frederick. Mentres o resto de ratos traballan recollendo provisións para o inverno, Frederick, que aparenta non facer nada, garda raios de sol, palabras e cores, que serán imprescindibles para todos no duro inverno. Frederick é un poeta e sabe da importancia de alimentarse de algo máis que de palla e noces.

1. El pez Arcoiris (Marcus Pfister): encontrámonos aquí con Arcoiris, quen, coas súas preciosas escamas de mil cores, é o peixe máis fermoso do océano. Porén, malia súa beleza, síntese moi só. Por que os demais peixes non queren xogar con el? Un libro fermosamente ilustrado que nos ensina a importancia de saber compartir.
E para que todos poidades desfrutar do libro máis prestado ao longo deste curso, aquí vos deixamos este agasallo: 



martes, 23 de junio de 2015

A NOITE DAS CACHARELAS

Esta noite, na do paso do día 23 ao 24 de xuño, conmemórase unha festa que se vén celebrando desde ben antigo en moitos lugares, e que está ligada aos festexos que acompañan a chegada do solsticio de verán. Xa sabedes de que estamos a falar? Pois sí, da Noite de San Xoán, unha festividade cuxas orixes se remontan aos tempos anteriores á chegada do cristianismo. Hai que dicir que, se ben o acontecemento solar ten lugar o día 21 de xuño, a festa trasladaouse ao 24 xa que, segundo a tradición, esa sería a data na que naceu San Xoán.

Moitos ritos de carácter máxico ou relixioso se asocian a esta festa: saltar as famosas lumeiradas para purificarse, pór un ramo de herbas de San Xoán nas portas da casa coa fin de protexerse das meigas, lavarse ao amencer nun manancial ou con auga de rosas, etc.

Porén, como non todo nesta data vai ser saltar lumeiradas, tamén podedes mergullarvos nas páxinas dunha das máis apaixonantes e divertidas aventuras de Os Barbanzóns, maxistralmente creada por Pepe Carreiro, e que xira arredor dunha noite tan máxica como da que estamos a falar. Esta aventura en banda deseñada leva por título A noite das cacharelas, e podédela atopar nas Bibliotecas Municipais da Coruña.


E á volta do verán, cando comece o novo curso, non dubidedes en acudir á biblioteca do Fogar a desfrutar das aventuras desta familia celta.

sábado, 20 de junio de 2015

ASMIR NO QUIERE PISTOLAS

Hoxe comezaron as vacacións e, polo tanto, o tempo de xogos, de praia e de longas tardes desfrutando da familia e dos amigos. Porén, quizais a algún de vós, mentres toma o sol na praia ou xusto antes de deitarse, lle apeteza relaxarse mergullándose nalgunha historia. Hoxe, 20 de xuño, Día Mundial do Refuxiado, recomendámosvos o libro Asmir no quiere pistolas, da autora australiana Christobel Mattingley, un relato baseado en feitos reais que constitúe unha clara denuncia contra a guerra. 



A obra (que podedes encontrar nas Bibliotecas Municipais da Coruña) iníciase cos primeiros días da guerra en Bosnia no ano 1992 e os primeiros bombardeos sobre Saraxevo. Nesta cidade vive o protagonista, Asmir, un neno musulmán que vai tomando conciencia da crueldade e da senrazón que está a vivir. Con Saraxevo convertido nun inferno, a súa tía Melita chama desde Belgrado: hai un avión que está a evacuar a mulleres e nenos. Asmir, o seu irmán pequeno, a súa nai e maila súa avóa, coa axuda de seu pai, conseguen embarcar nel e refúxianse na capital de Serbia. Alí tampouco se senten seguros, polo que, pouco tempo despois, inician unha nova fuxida cara a Austria, unha viaxe que estará pragada de dificultades. Lograrán Asmir e a súa familia superalas e chegar a Viena? Coseguirá Muris, o pai do protagonista, sobrevivir ao inferno de Saraxevo?

Asmir no quiere pistolas é un relato realista que reflexa a situación dos refuxiados bosnios, dispersos por diversos países europeos. A historia destaca polo seu dramatismo e a súa emotividade, cun narador que vai dando conta dos terribles sucesos que acompañan todo conflito bélico: os primeiros bombardeos, a fuxida, a adaptación a un novo país, etc. A obra é un deses libros que non deixan indiferente ao lector, pois Asmir, ese neno que vive feliz coa súa familia e os seus amigos até que chega o horror da guerra, poderiamos ser calquera de nós. E ao igual que el, nós tamén temos algo claro: NON QUEREMOS PISTOLAS!

"Pero Asmir tenía muchos otros compañeros de juegos. Todos los días se veían en el parque del barrio, y echaban carreras entre los árboles, jugaban al escondite, montaban en los columpios y el subibaja, se perseguían y rodaban por la hierba y se divertían mucho.
Hasta que un día llegó la guerra a Sarajevo. Aparecieron centenares de soldados que disparaban rifles y ametralladoras. Las calles retemblaron al paso de los tanques y sobre la ciudad volaron aviones que lanzaban bombas."

viernes, 19 de junio de 2015

FALEMOS DE LIBROS...



Esta semana falamos de libros cunha alumna 
que acaba de rematar 4º de Primaria: 
Lola Cascón Vía, gran amiga da biblioteca 
do Fogar e, sen dúbida, unha das maiores 
lectoras do noso colexio.



1.Que estás a ler agora mesmo?
Molly Moon y el increíble libro del hipnotismo, de Georgia Byng.

2.Cal é o teu libro favorito?
Manuelita ¿dónde vas?, de María Elena Walsh.

3.Cal é a túa personaxe favorita?
Fray Perico, el personaje creado por Juan Muñoz Martín, protagonista de obras como Fray Perico y su borrico, Fray Perico en la guerra, Fray Perico y Monpetit, etc

4.Cal é o teu autor favorito?
María Elena Walsh.

5.Cal é o teu xénero favorito?
Aventura y ciencia-ficción.

6.Un libro para chorar...
Diario de Nikki 2, de Rachel Renée Russell. Es para llorar... ¡de risa!

7.Un libro para rir...
Todos los libros de Junie B. Jones, de Barbara Park.

8.Con que libro pasaches máis medo?
Kika Superbruja en el castillo de Drácula, de Knister.

9.O teu poema favorito...
"O poema das palabras con ele", perteneciente a la obra O meu gato é un poeta, de Fran Alonso.

Cando me miras co lume
dos teus ollos de gato
e ceibas ese laio líquido
duns beizos suavemente felinos,
un calafrío de lontra percorre
o meu corpo coa suavidade
lenta dunha lesma, mentres
unha luz de amorosa lanterna
me inunda toda por dentro.

10.Cal vai ser a túa próxima lectura?
Molly Moon detiene el mundo, de Georgia Byng.

lunes, 15 de junio de 2015

PARABÉNS PARA OS AXUDANTES DE BIBLIOTECA

Este curso botouse a andar un novo proxecto do Plan Lector: "Os axudantes de biblioteca". Desde principio de curso nenos e nenas de 5º e 6º de Primaria, de forma voluntaria, axudáronnos durante os recreos no traballo de biblioteca, ocupándose de diferentes tarefas, como etiquetar, catalogar e forrar libros, levar o servizo de préstamo, ordear as obras das estanterías, etc. Día a día, vivimos a súa ilusión por colaborar, a solidariedade entre compañeiros á hora de axudarse uns aos outros e, especialmente, o desexo de aprender. A día de hoxe, podemos dicir que a biblioteca é mellor grazas a eles, así que, moitos parabéns, rapaces! Parabéns a Eugenia, Ana, Lucía, Nerea, Alejandra, Javier, Julia, Patricia, Santiago, Amanda e a todos os que participastes neste proxecto. E desde aquí queremos agradecer á editorial SM a súa xenerosidade ao mandarnos un lote de libros cos que puidemos premiar aos mellores axudantes de biblioteca deste curso. Aquí tedes unhas fotos dos rapaces cos seus premios:

Axudantes de 6º

Axudantes de 5º

E logo do verán, cando bote a andar o novo curso, será a hora dunha nova fornada de axudantes de biblioteca, que terá novas e maiores responsabilidades, como por exemplo, un lugar no noso blog dedicado exclusivamente a exhibir o seu traballo: "O rincón dos axudantes". Aquí, poderán recomendar lecturas aos seus compañeiros, promocionar as actividades nas que participen, etc. Así que, para todos aqueles que queirades colaborar: a biblioteca está a agardar por vós!

lunes, 8 de junio de 2015

E REMATA POR ESTE CURSO O CONCURSO "ADIVIÑA O FRAGMENTO"

Esta mañá demos a coñecer o nome da gañadora do concurso "Adiviña o fragmento" relativo á mesa dedicada a Novela policiaca. A gañadora nesta ocasión foi Xiana Domínguez Area, alumna de 6ºA, que adiviñou que o fragmento pertencía á obra Estudio en escarlata de Arthur Conan Doyle.
Noraboa, Xiana!

Xiana, co seu premio.

Coa mesa de Novela policiaca rematan as mesas temáticas deste curso, polo que damos por finalizado tamén o noso concurso "Adiviña o fragmento", que tan boa aceptación tivo entre todos vós. Queremos aproveitar para agradecer a vosa participación e felicitar de novo a todas as gañadoras:
Lucía Castiñeira Rial (5ºA).
Eugenia Roca Capdevila (5ºC).
Laura Paadín Barco (5ºC).
Yamila Ferreira Escobar (3º ESO B).
Cristina Mouriño Domínguez (3º ESO A).
Paula Martínez Gómez (5ºA). 

viernes, 5 de junio de 2015

OS MAIORES COMPARTEN CONTOS COS NENOS DE INFANTIL

Este curso, os rapaces "maiores" quixeron agasallar aos pequenos cun fermoso presente que se resume nunha palabra: contos. En diferentes sesións ao longo destes meses, alumnos de distintos cursos de ESO e Bacharelato compartiron cos nenos de Infantil historias tan divertidas como Chibos chibóns ou Tío Lobo, tanto nas propias aulas dos pequenos como na biblioteca do Centro. Estes encontros, que sen dúbida terán continuidade durante os vindeiros cursos, fixeron desfrutar a todos os que tivemos a sorte de asistir a eles. A atención coa que os pequenos escoitaban aos maiores, a paciencia e cordialidade coa que os maiores respondían a calquera pregunta dos pequenos, e os sorrisos que se lles escapaban a uns e outros, constitúen algúns dos momentos inolvidables deste curso 2014-2015.

Icía, alumna de 3º da ESO, contando O grilo Míllelo.

Miguel, alumno de 1º da ESO, contando Pulguiña aos «Gemitos».

Ander, de 1º da ESO, contando Pulguiña aos «Pilaritos».
Sergio, estudante de 1º de Bacharelato, contando Un poco de mal humor aos «Puritos».

Antón, alumno de 3º de ESO, contando Pulguiña aos «Pilitos».


miércoles, 3 de junio de 2015

FALEMOS DE LIBROS...



Esta semana falamos de libros con 
Rosa María Blanco González,
profesora de 4º de Primaria, 
lectora compulsiva e coleccionista 
de libros antigos.




1.Que estás a ler agora mesmo?
El efecto Marcus, de Jussi Adler-Olsen, una novela negra danesa. Una obra para evadirse.

2.Cal é o teu libro favorito?
Los guardianes del libro, de Geraldine Brooks. ¡Precioso! Histórico, ameno, maravillosamente bien escrito y te prende hasta la última página.
También Estado de miedo, de Michael Crichton. Para pensar...
El quinto día, de Frank Schatzing. Para seguir pensando... ¿Qué es la realidad?, ¿qué hacemos con nuestro mundo?, ¿cuál es la verdad sobre lo que nos rodea?...
La Trilogía del Baztan, de Dolores Redondo. Deliciosos.
La cabaña, de W. Paul Young. Para sentirnos eternos y para tener y vivir con esperanza la tragedia.
El niño 44, de Tom Rob Smith. Cuando te cuentan una parte de la Historia como una amarga novela, no se te olvida.
El hombre que plantaba árboles, de Jean Giono. Historia ya antigua sobre el poder de la voluntad, el esfuerzo y la ilusión.
Cometas en el cielo, de Khaled Hosseini. El valor de la conciencia. El poder del perdón.
Donde el corazón te lleve, de Susanna Tamaro.
Y todos los de Marta Rivera de la Cruz.
Aún tengo más, pero... ¡continuará! (mientras pueda seguir leyendo...).

3.Cal é a túa personaxe favorita?
Cualquiera que se supere a sí mismo a lo largo del libro. De todos modos, me quedo con Sherlock Holmes por su caballerosidad y su inteligencia. ¡Es mi ídolo literario!

4.Cal é o teu autor favorito?
Gabriel García Márquez. Su prosa es un lujo para nuestra lengua y un deleite para la mente.

5.Cal é o teu xénero favorito? (aventura, terror, policiaco, amor, ciencia-ficción, humor, cómic, poesía...)
Suspense, histórico, humor, terror y toda historia que te enseñe algo sobre el sentido de la vida y a interpretarnos a nosotros mismos.

6.Un libro para chorar...
El niño con el pijama de rayas, de John Boyne. Todo el mundo lo conoce. Sin comentarios.

7.Un libro para rir...
Psiquiatras, psicólogos y otros enfermos, de R. Muñoz Avia y Entre limones, de Chris Stewart. Para tomarse la vida con sentido del humor, a pesar de todo...

8.Con que libro pasaches máis medo?
El evangelio del mal, de Patrick Graham. Intrigante, angustioso, misterioso y a pesar de todo, creíble.

9.O teu poema favorito...(Escríbeo por detrás do folio, indicando o título do poema, a obra á que pertence e o seu autor).
 Cualquiera de Rosalía de Castro. No tengo palabras. Se quedó ella con todas.       

10.Cal vai ser a túa próxima lectura?
El consuelo, de Anna Gavalda.