viernes, 14 de junio de 2019

OS SUPERPOETAS DE PRIMARIA

Este curso decidimos que o tradicional concurso de creación literaria ía ir destinado a mergullarnos de cheo nese extraordinario océano que é a poesía, levándonos a desfrutar de poemas e poetas, a visitar a biblioteca na procura de poemarios e a elaborar as nosas propias composicións. 

Así foi como, ao longo de varias semanas, fomos dando forma ás nosas creacións, a través das cales falamos das nosas experiencias e das nosas emocións, da familia e dos amigos, das cousas que nos gustan e das que nos asustan, e aprendemos a coñecernos mellor a nós mesmos e ao mundo que nos rodea, a describir o real e a inventar o imposible, a falar do que vemos e tamén a voar lonxe, moi lonxe, grazas ao enorme poder da nosa imaxinación. 

Todo isto deu como resultado algo extraordinario: un conxunto de poemarios, 18 en total, elaborados polo alumnado de Primaria, un por grupo, que pasará a formar parte dos fondos da biblioteca para que todos os estudantes poidan desfrutar do que crearon os compañeiros. 

Desde aquí queremos felicitar a todo o alumnado de Primaria polas fantásticas composicións que crearon. Sodes uns poetas de primeira! Ademais, queremos dar os parabéns a todos os docentes que se implicaron nesta fermosa actividade e agradecer o seu esforzo e dedicación. 

E como todo concurso ten os seus gañadores, esta mañá algúns grupos recibiron, por sorpresa, o seu premio en agradecemento polos fermosos poemarios creados.

2ºA, "Premio Superpoetas" na categoría 1º e 2º de Primaria:
















3ºA, "Premio Superpoetas" na categoría 3º e 4º de Primaria:



6ºC, "Premio Superpoetas" na categoría 5º e 6º de Primaria:


domingo, 9 de junio de 2019

OS COCIÑEIROS DE 6º DE INFANTIL

O pasado mes de maio, os alumnos de sexto de Infantil tiveron a oportunidade de visitar o IES Fragas do Eume, en Pontedeume, e compartir unha divertida xornada cos estudantes de Hostelaría deste centro. 
Alí, desenvolvendo o traballo programado por este nivel para o proxecto das profesións, aprenderon a manexarse nos oficios de cociñeiro e cocteleiro por un día. 
Da man dos estudantes maiores, os nosos pícaros aprenderon a elaborar deliciosos cócteles e batidos. Manipularon ingredientes coma o leite, o chocolate, o amorodo ou o ananás para facer unhas saborosas bebidas que fixeron as delicias dos nosos cativos.


Unha vez catadas as bebidas que elaboraron, trasladáronse da cafetaría á cociña para poñerse mans á obra como mestres pizzeiros. Alí, cambiaron de profesores para producir unhas pizzas nas cociñas do centro. 


Cada un dos nosos alumnos recibiu un pouco de fariña con fermento, un trisco de sal e unha pouquiña de auga morna, e puxéronse a amasar para crear as pizzas que posteriormente cubriron con tomate, queixo, ourego e os ingredientes que cada un elixiu (atún, gambas, xamón cocido, touciño entrefebrado...).
Unha vez remataron, e despois de lavar as mans, trasladáronse ao comedor mentres o forno facía o seu labor. E logo, todos xuntos, degustaron as pizzas que elaboraron coa axuda dos seus amables e pacientes mestres.


Se queredes coñecer mellor o centro e botar un ollo á súa web con ligazóns de interés, picando aquí podedes encontrala.
E xa que este mes volvemos a ter pequenos almorzos de media mañá, picando aquí, podedes consultar as ideas que o experto nutricionista Aitor Sánchez, autor de Mi dieta cojea, nos dá para que estes pequenos almorzos sexan sans e fáciles de elaborar.
Antes de deixarvos máis fotos da sesión en Pontedeume, queremos agradecer ao profesorado e ao alumnado que nos acompañou a súa amabilidade, paciencia e o seu bo facer cos nosos nenos e as nosas nenas; e de maneira especial a Fátima, mamá de Iago e Brais de 6º B, que foi quen fixo posible está sesión tan diferente e divertida na que tanto aprendemos e da que tanto desfrutamos. Tamén agradecemos aos nosos acompañantes Luis, Nuria e Nerea a súa inestimable axuda que fixo posible que todos desfrutásemos da xornada. 
Moitas grazas!



    

       

 










 



sábado, 1 de junio de 2019

DÍA DAS ARTES GALEGAS

Este ano dedícaselle o Día das Artes Galegas ao polifacético artista Luis Seone. 
                                       
As titoras de sexto de Infantil aproveitaron este feito para traballar a figura deste gran artista nas súas aulas.

Así, os pícaros puideron coñecer a súa figura como creador, deseñador, caricaturista, debuxante, ilustrador, pintor, gravador, muralista, editor e escritor.

A través deste autor puideron achegarse a diferentes aspectos da arte mais tamén da historia; traballando a emigración coñeceron a súa figura como galego universal na diáspora, a súa vontade de dotar á cultura galega de dignidade e a importancia das moitas iniciativas que puxo en marcha malia ter que exiliarse e que trascenderon a súa época. 

A vida do artista tamén deu pé a falar sobre a Guerra Civil (a través de gravados) e debater sobre a intolerancia e a maldade. Mendiante o libro-xogo "Lo que tú quieras. Filosofía visual para niños" da xenial editorial Wonder Ponder, reflexionamos e dialogamos sobre a liberdade e os límites.


Como broche final do proxecto, os tres grupos de sexto de Infantil, realizaron unha saída didáctica á Fundación Luis Seoane


Alí, da man de Tonecho, recordamos a algúns dos artistas que influenciaron a obra de Seoane, como Picasso coa utilización de diferentes perspectivas dentro da mesma obra (moi típico do artista). E tamén coñecemos o seu gusto por inventar e crear as súas propias cores a través das cores primarias (maxenta, ciano e amarelo) e mesmo recordamos e puidemos ver en directo a utilización das formas xeométricas nos seus cadros. 






Despois da explicación do noso xenial guía convertémonos en artistas, esponxa e agua en man, e realizamos uns murais efémeros "pegando" diferentes formas de acetato destas cores pimarias nas vidreiras da Fundación. E así de ben o pasamos sendo artistas:














Durante o desenvolvemento do proxeto nas aulas, cada grupo reproduciu unha obra de Seoane que agora loce no patio de Infantil como decoración. Non dubidedes en vir a contemplalas!











viernes, 31 de mayo de 2019

ÁNGELA CONVERTE EN QUÍMICOS AOS PÍCAROS DE 6ºA DE INFANTIL

Ángela, mamá de Miguel (6ºB de Infantil) e de Pablo (5ºC de Primaria), desfrutou tanto coa visita na que nos falou do seu labor como bióloga, que repetiu experiencia para falarnos do seu traballo como química. Nesta ocasión foron os alumnos de 6ºA de Infantil os que tiveron o pracer de escoitar a Ángela e de converterse en pequenos-grandes químicos. Tanto lles gustou a experiencia, que quixeron compartir todo o que aprenderon cos seus compañeiros de 1ºB de Primaria.











Así, Ángela explicounos en que consiste o seu traballo como química e logo realizamos con ela diferentes experimentos que nos encantaron.













Como comentamos liñas atrás, tanto desfrutaron os pícaros de 6ºA de Infantil, que prepararon unha sesión para os seus amigos de 1ºB de Primaria, na que lles explicaron todo o que aprenderan sobre os químicos:





A continuación, exerceron de científicos e repetiron cos seus compañeiros de Primaria os experimentos que realizaran con Ángela:






Foi unha experiencia marabillosa, que se puido realizar grazas á participación e implicación das familias. Por iso, Ángela, dámosche as grazas.