martes, 21 de junio de 2016

UNHA MAÑÁ NA BIBLIOTECA (PARTE 2)

Unha mañá na biblioteca do Fogar, un venres calquera, pode dar para a representación de varias obras de teatro, mais tamén para recibir a visita de dúas nais marabillosas: Mar, nai de Raquel Tian, e Ana, nai de Sabrina.

Mar e Raquel fixéronnos desfrutar coa lectura de ¿Quién ha robado mi trono? (Bruño), escrito por Gabriela Keselman e ilustrado por Anne Decis, que nos achega á historia do Príncipe Único, que ve como os seus pais, a súa doncela, o seu crocodilo e o seu trono acaban de desaparecer!



Aquí vos deixamos a portada do libro:



E logo da lectura, Raquel dirixiu aos seus compañeiros de 2ºC diferentes preguntas sobre a obra:




A continuación, foron Ana e Sabrina quenes nos fixeron gozar cun novo conto, El abanico de la verdad (Memory Ferrandiz), de Juan Ferrandiz, que nos achegou á historia dun abanico máxico, que realzaba en cada persoa as súas principais virtudes ou os seus principais defectos.




Leo, irmán de Sabrina, quixo asistir tamén a este contacontos, e nos sorprendeu coa súa simpatía. Aquí o tedes na foto mentres escoita as preguntas que Sabrina dirixe aos seus compañeiros sobre o conto:



Desde aquí dámosvos as grazas, Mar e Ana, por regalarnos o voso tempo e por facernos partícipes dun encontro tan divertido.

E a mañá nos deparaba unha gran sorpresa: os nenos de 2ºC e a súa profe Silvia nos agasallaron cun libro viaxeiro, titulado Un gato travieso y cuatro mariposas aventureras, o cal xa está a agardar por vós na biblioteca para que o leades o curso que vén. Nós xa desfrutamos del:





Queredes saber como comeza? Aquí vos deixamos as primeiras liñas:
Había una vez una mariposa que se llamaba Flora. Un buen día, Flora decidió salir a la pradera para ir a jugar con sus amigas: Rosa, Julia y Celia. Quería jugar a revolotear por la pradera, porque Flora era muy juguetona y un poco traviesa, Se metía en líos y sus amigos la tenían que ayudar.
Aquella mañana mientras Flora y sus amigas sobrevolaban la pradera observaron que algo brillaba en medio del campo y decidieron acercarse. Su sorpresa fue mayúscula cuando vieron que se trataba de...
Se queredes saber que atoparon Flora e as súas amigas, non tedes máis que pasar pola biblioteca á volta das vacacións de verán. Este fermoso libro viaxeiro estavos a esperar... 

Moitas grazas por este agasallo (que nos encantou), 2ºC!



Mais se credes que a mañá na biblioteca, logo de varias obras de teatro, da visita de Mar e Ana, e da lectura do libro viaxeiro, xa chegou á súa fin, estades moi equivocados. Aínda nos faltaba o encontro con Diego, antigo alumno do Fogar e pai de Alba e de Lola, alumnas de 6º de Inf. C. Diego nos fixo rir ás gargalladas coa súa divertida lectura de La ridícula crema invisible, un conto que nos achega á historia de Mario, un neno moi bo, mais tan impulsivo e impaciente que case todos os días pegaba aos seus amigos. Por esta razón, Laura, a súa mestra, pediu axuda ao Tío Perico, un bruxo tolo que lle entregou un frasco cunha poción máxica...






Mais os contos non acabaron aquí, pois Diego aínda tivo tempo para contarnos Lobo Feroz (OQO), de Patacrúa e Chené Gómez, unha historia protagonizada por un lobo tan preguiceiro que, por non se esforzar, non comía máis que papas de arroz. Un día, este lobo mirouse no espello e viuse tan fraco que decidiu converterse nun lobo feroz.




Desde o blog recomendámosvos este conto, co que a bo seguro desfrutaredes enormemente:



Moitas grazas, Diego, por facérnolo pasar tan ben!



E as grazas non paran aquí, pois tamén nos queremos lembrar de Loreto, nai de Loreto (6º de Inf. C) e de Eduardo (3ºA de Primaria), que nos visitou hai unhas semanas e que, ademais de cautivarnos a todos coa súa cercanía e a súa paciencia cos pequenos, nos regalou a obra Nublado con probabilidades de albóndigas (Editorial Corimbo), escrito por Judi Barrett e ilustrado por Ron Barrett. O libro, unha vez catalogado, etiquetado e forrado, está xa preparado para que os alumnos poidan desfrutar del á volta das vacacións. Con esta foto, Loreto, simplemente queremos dicirche: MOITAS GRAZAS!







sábado, 18 de junio de 2016

UNHA MAÑÁ NA BIBLIOTECA (PARTE 1)

Unha mañá na biblioteca do Fogar pode dar para moito. Pode dar, por exemplo, para vivir unha xornada de teatro na que un grupo de actrices de 1º de ESO estreen unha divertidísima adaptación teatral da obra Un príncipe algo rarito (Bruño), escrito por Fernando Lalana e ilustrado por Mª Luisa Torcida álvarez.



Aquí vos deixamos algunhas fotos das funcións, nas que os nenos de Infantil puideron asistir a unha divertida historia de amor imposible entre Florencio, o aposto príncipe do país de Aquí, e...










O éxito colleitado por estas actrices xeniais foi total, algo que é digno de valorar, xa que se enfrontaban a un público moi esixente: os nenos de Infantil. E é que todos os grupos desa etapa pasaron na mañá de onte pola biblioteca, en diferentes momentos, para ver a obra.











Ao remate de cada representación, Xiana, Lucía, Itziar, Sara e Patricia, recibiron uns merecidísimos aplausos.



Desde aquí queremos darvos as grazas ás cinco polo voso esforzo durante estes meses de ensaios e pola vosa xenerosidade ao destinar tantas horas ao desfrute dos pequenos. O resultado final, só pode ser cualificado como espectacular, como espectaculares sodes cada unha de vós. Parabéns por ser como sodes. É un auténtico pracer compartir Centro con vós. Estes agradecementos facémolos extensivos tamén a Amanda e a Aday, que finalmente non puideron participar na estrea da obra.



Aquí vos deixamos a portada do libro, que está á vosa disposición na biblioteca do Fogar. E se queredes saber máis sobre el, non tedes máis que picar aquí.



Desde o blog vos recomendamos esta obra da editorial Bruño, dirixida aos máis pequenos, que nos demostra que non existen os amores imposibles:



E continuando cos agradecementos, non podiamos deixar de referirnos ao valioso traballo realizado por outro quinteto xenial, formado por Alba Iglesias, Susana, Tatiana, Alba Souto e Alba Seijas (alumnas de 4ºC de Primaria), que colaboraron recollendo os decorados. Estes agradecementos non son só por axudarnos coa obra, senón polo traballo que vides realizando ao longo de todo o curso na biblioteca. Un traballo que, como se pode ver na foto, facedes sempre cun sorriso na faciana, e é que vós sodes iso, un enorme sorriso. E se os agradecementos anteriores os faciamos extensivos a Amanda e a Aday, estes os queremos dedicar tamén ao resto de alumnos de 4ºC. A todos os que conformades este grupo: grazas por axudarnos tanto na biblioteca. E, sobre todo, grazas por facelo co entusiasmo e xenerosidade que vos caracteriza.



E se a obra que acabamos de ver resultou un éxito, o mesmo aconteceu coa outra representación teatral da xornada, na que, unha vez máis, Candela, Shaila, Ainhoa, Lucía, Sofía e Aarón, de 5º de Primaria, puxeron en escena A nova Cincenta, unha obra de composición propia coa que fixeron desfrutar aos nenos de 1ºB.




















Se liñas atrás dabamos os parabéns ás actrices que representaron Un príncipe algo rarito, agora debemos facer o mesmo con este grupo de teatro que empregou moitas horas nos ensaios e demostrou que unha das claves para sacar adiante calquera proxecto común é a solidadierade e o compañeirismo. Solidariedade e compañeirismo é o que amosastes en dada un dos ensaios aos que acudistes ao longo destes meses. O brillante resultado final é froito de todo o voso esforzo. Simplemente sodes xeniais. É un orgullo facer actividades con vós. E, como non, damos tamén as grazas a Lola, que realizou un labor fundamental axudando a vestir ás actrices.



Unha mañá na biblioteca, un venres calquera, pode dar, como vedes, para moito. Mais non só para teatro, pois, como constataredes moi pronto, a xornada deu para moito máis...