Hoxe tivemos o pracer de recibir no Fogar a Diana e a David, dous filólogos viveirenses creadores dun dos blogs de moda no territorio galego: Bolboretas no bandullo, que conxuga as súas dúas paixóns, a cociña e a lingua galega. Gastronomía e idioma se unen así neste blog nacido co afán de axudar a normalizar a lingua galega e de achegarnos todo tipo de receitas, mais sempre cunha pinga de galeguidade.
Se queredes saber un chisco máis sobre eles, non tedes máis que picar aquí, e poderedes ver un vídeo cunha entrevista feita para o programa "A revista" da Televisión de Galicia.
Na visita de hoxe, Diana e David levaron a cabo un obradoiro no que os alumnos de 4ºB e 4ºC de Primaria cociñaron dous pratos divertidos, saborosos e saudables: unha xoaniña feita con tomates cherry, olivas negras, queixo e torradas; e un wrap elaborado con leituga, pavo, ananás, queixo, tomate, pemento e améndoas. Aquí vos quedan algunhas fotos que amosan canto desfrutaron os nenos da sesión. Ímos primeiro con 4ºC:
E aquí podedes ver as da sesión correspondente a 4ºB:
Desde aquí queremos darvos as grazas, Diana e David, pola vosa visita, pola paciencia e o bo humor que amosastes durante o encontro, e por todo o que nos ensinastes. O Fogar xa é a vosa casa.
No hay comentarios:
Publicar un comentario