Co gallo da celebración do Día Internacional do Libro (23 de abril), queremos compartir con toda a comunidade educativa unha selección das obras e coleccións máis prestadas da nosa biblioteca. Historias de aventuras, humor, maxia, coñecemento e emocións que conquistaron o noso alumnado e cuxa lectura, sen dúbida, vos recomendamos.
1. Loco por los tiburones – Owen Davey (SM)
Un libro divulgativo e fascinante que reúne información e curiosidades sobre os diferentes tipos de tiburóns e a súa vida no mar. Cheo de datos, ilustracións e anécdotas, axuda ao lector a coñecer mellor estes misteriosos habitantes dos océanos, derrubando mitos e descubrindo o seu papel clave nos ecosistemas mariños. 2. Harry Potter – J.K. Rowling (Salamandra)
Primeiro título da colección: Harry Potter y la piedra filosofal
Un clásico moderno que mestura maxia, amizade e aventura, e que segue conquistando curso tras curso o corazón dos lectores.
3. Los Futbolísimos – Roberto Santiago (SM)
Primeiro título da colección: Los Futbolísimos 1: El misterio de los árbitros dormidos
Unha serie que combina fútbol, misterio e amizade, mantendo a intriga ata o final.
4. Anna Kadabra – Pedro Mañas e David Sierra (Destino)
Primeiro título da colección: Anna Kadabra. El club de la Luna Llena
Unha serie divertida e chea de maxia onde a protagonista descobre os seus poderes e vive aventuras cos seus amigos.
5. Isadora Moon – Harriet Muncaster (Alfaguara)
Primeiro título da colección: Isadora Moon va al colegio
Metade fada, metade vampira, Isadora aprende a aceptar quen é nunhas historias entrañables.
6. El capitán calzoncillos – Dav Pilkey (SM)
Primeiro título da colección: Las aventuras del Capitán Calzoncillos
Unha serie disparatada que fai rir e engancha mesmo aos lectores máis reticentes.
7. Diario de Greg – Jeff Kinney (Molino)
Primeiro título da colección: Diario de Greg: Un pringao total
As divertidas e cotiás vivencias de Greg fan desta serie un éxito asegurado entre o alumnado, chea de humor e situacións nas que é fácil sentirse identificado.
8. Pupi llega a la Tierra – María Menéndez-Ponte (SM)
Un simpático extraterrestre descobre o noso planeta con curiosidade e humor.
9. Pablo Diablo y los vampiros zombi – Francesca Simon (SM)
Primeiro título da colección: Pablo Diablo
Unha historia chea de travesuras e humor protagonizada por este personaxe tan coñecido.
10. Familia a la fuga – Ana Campoy (Loqueleo)
Primeiro título da colección: Familia a la fuga 1
Aventuras tolas e situacións inesperadas nunha historia moi divertida sobre unha familia pouco común.
11. El gran libro de los deportes – Varios Autores (VV Kids)
Un libro visual e moi completo que achega os lectores ao mundo do deporte dunha forma atractiva e didáctica. A través de ilustracións chamativas e información clara, permite descubrir diferentes disciplinas deportivas, as súas regras e curiosidades, fomentando o interese pola actividade física e os hábitos saudables.
12. Los miedos del Capitán Cacurcias – José Carlos Andrés (NubeOcho)
Un conto divertido e á vez moi útil para falar dos medos infantís. A través dun peculiar capitán que tamén sente temor, a historia axuda a normalizar emocións e a afrontalas con humor e valentía. Ideal para traballar a educación emocional cos máis pequenos.
13. El joven Poe – Cuca Canals (Edebé)
Primeiro título da colección: El joven Poe: El misterio de la calle MorgueUnha serie de misterio e intriga protagonizada polo propio Edgar Allan Poe cando era neno. Nesta historia, o mozo Poe, co seu agudo espírito analítico, axuda ao inspector Auguste Dupin a resolver casos criminais cheos de enigmas e suspense, introducindo ao lector no mundo da dedución e a aventura dende unha idade temperá.
14. Sete dentes de león – Ledicia Costas (Xerais)
Unha historia emotiva sobre medrar e afrontar pequenos grandes retos da vida.
15. As crias dos animais salvaxes – David Patrick (Baía Edicións)
Un fermoso libro cheo de imaxes que permite aos máis pequenos achegarse ao mundo dos animais.
16. La noche de los ninjas – Mary Pope Osborne (SM)
Unha emocionante viaxe ao mundo dos ninjas, chea de aventura e misterio.
17. Todo lo que necesitas saber sobre el cuerpo humano - Patricia Macnair (SM)
Un libro informativo moi completo para descubrir como funciona o corpo humano.
18. Mi primer gran libro de los dinosaurios - Catherine D. Hugues (VV Kids)
Unha primeira aproximación ao mundo dos dinosauros, con ilustracións atractivas e datos curiosos.
19. El gran libro de las estrellas y los planetas - Emily Bone (Usborne)
Un libro divulgativo con varios despregables que achega o alumnado ao coñecemento do universo.
20. Agatha Mistery – Sir Steve Stevenson (La Galera)
Primeiro título da colección: Agatha Mistery 1: El enigma del faraón
Unha serie de aventuras e misterio protagonizada por unha moza detective cun gran enxeño. Xunto ao seu curmán Larry, Agatha viaxa por todo o mundo resolvendo enigmas e descubrindo diferentes culturas, nunha colección que combina intriga, humor e aprendizaxe.
Animámosvos a seguir gozando da lectura e a descubrir novas historias na nosa biblioteca. Feliz Día do Libro!
