Co comezo do 2º trimestre retomamos o proxecto central deste curso, dirixido a investigar sobre as profesións. Con el, continúan as visitas de mamás e papás que veñen falarnos dos seus oficios. Esta semana puidemos desfrutar da visita de Francisco e de Elena, pais de Alejandro, alumno de 3ºC de Primaria. Nela, Francisco nos contou como é unha profesión tan emocionante como a súa: mecánico de avións.
Francisco falounos das diferentes partes dun avión, do persoal que traballa neles e de como conseguen voar estes aparellos.
Tamén nos explicou todo o que hai que estudar para chegar a desempeñar un oficio como este, nos describiu como é o seu día a día no traballo, e nos falou dos rigorosos controis e exames que debe pasar todo avión para poder voar. Foron moitos os momentos interesantes que vivimos durante este encontro, pero se tivesemos que destacar algún, nos quedamos con dous: cando Francisco nos contou as súas emocionantes experiencias en diferentes países de África e Asia, e cando nos deixou probar distintos aparatos relacionados co seu traballo e cos avións.
Así de atentos estiveron os nenos e as nenas de 3ºC escoitando a Francisco.
Desde aquí queremos dar as grazas a esta parella xenial, Francisco e Elena, por facernos pasar unha mañá tan divertida e por ensinarnos tantas cousas sobre o mundo dos avións. Grazas aos dous por implicarvos tanto nas actividades do colexio. Sempre é un pracer recibirvos.
Muchas gracias a vosotros, encantados de colaborar, y poder disfrutar de la compañia de los peques. Un placer .
ResponderEliminar