Estes días continuamos a afondar no mundo das profesións, tema do proxecto central deste curso, polo que persoas de diferentes ámbitos laborais seguen a visitarnos para achegarnos ao eido da medicina, da tradución, dos transportes, da electrónica, da informática, da danza... Unha das últimas visitas foi a de Javier, papá de Thiago, que pasou pola biblio para explicarnos en que consiste o seu traballo como xuíz.
Os nenos e as nenas de 6ºInf.B desfrutaron coa charla de Javier, que nos falou de diferentes aspectos relacionados coa súa profesión, como as leis, as probas, as investigacións, os xuízos, as roldas de recoñecemento, etc. Apoiando as súas palabras en imaxes, Javier permitiunos coñecer mellor o traballo de xuíz. Por facelo tan ben, con tanto cariño e dunha maneira tan divertida, queremos darlle as grazas.
No hay comentarios:
Publicar un comentario