ACHEGÁMONOS AO MUNDO DO TEATRO MUSICAL COA ACTRIZ SARA FANDIÑO

Na biblio  nos encanta recibirvos a vós, os antigos alumnos, que coas vosas visitas sempre nos regalades grandes doses de agarimo e de lembranzas. Estes reencontros fannos recordar persoas, momentos e anécdotas irrepetibles. Ver como vos seguistes a formar academicamente, como fostes atopando o voso sitio na vida e como continuastes a medrar como persoas, énchenos de orgullo e de alegría. Somos unha familia e esta sempre será a vosa casa.

Un destes reencontros o vivimos esta semana coa visita de Sara Fandiño, exalumna do Fogar, que achegou os pícaros de 4º Inf. C a un mundo que lle apaixona e no que, a pesar da súa xuventude, leva destacando desde hai anos: o do teatro musical.

Sara explicounos como é o traballo dunha actriz, e familiarizou os pequenos con este mundo a través da palabra e de divertidos xogos cos que todos desfrutamos.

Actriz de teatro e televisión, especializada en Teatro Musical na Escola Superior de Arte Dramática de Madrid, Sara amosounos na súa visita parte do talento que a levou a traballar en compañías tan destacadas como "La Bicicleta", protagonizando obras de teatro musical como Hansel e Gretel, ou a participar en diferentes series galegas de televisión.

Sen dúbida foi un pracer recibir a esta actriz e profesora de teatro, que desde hai uns anos transmite a súa paixón a nenos e adultos desde a Escola Galega de Teatro Musical, onde está a formar novos actores e actrices especializados tamén en teatro musical. Todos aqueles que queirades saber máis sobre esta disciplina, que une canto, interpretación e danza, da man da nosa tradición cultural, non dubidedes en pasar por alí. Tamén podedes visitar a súa web picando aquí.