Estes días visitou a biblioteca Paco Papán, o divertido protagonista do álbum do mesmo nome creado por Patacrúa e Evelyn Daviddi para OQO. Enma e Mencía, de 5º de Primaria, foron as encargadas de contarnos as divertidas peripecias que Paco foi vivindo durante a procura dun traballo á súa medida.
Os pícaros de Infantil permaneceron moi atentos á lectura, asistindo aos contratempos laborais que Paco ía atopando na xastraría, na casa duns labregos ou na taberna.
E logo da lectura, nada mellor que o momento das preguntas para ver se o público entendeu a historia:
Desde aquí recomendámosvos a todos este divertidísimo álbum, unha versión libre realizada por Patacrúa a partir dun conto tradicional, coas xeniais ilustracións de Evelyn Daviddi:
No hay comentarios:
Publicar un comentario