O pasado venres os alumnos de Educación Infantil puideron desfrutar, na sala de cine do centro, da actuación dun dos magos con maior proxección do panorama galego: Diego Pampín, alumno de 3º da ESO do Fogar.
Diego, brillantemente axudado por Sara Sánchez, Paula Vidal e Antía Otero, compañeiras de curso, amenizou a tarde dos máis pequenos cunha serie de trucos que nos deixaron a todos abraiados e con ganas de máis.
Se queredes coñecer algo máis do traballo deste xove mago, aquí tendes a súa páxina web.
Desde o Plan Lector queriamos agradecerlles que regalaran o seu tempo ao lecer dos seus compañeiros de Infantil.
Diego, Sara, Paula, Antía, para nós é un verdadeiro orgullo compartir centro con vós.
