A biblioteca volveu converterse nun espazo de encontro, aprendizaxe e descubrimento coa visita de Atocha, membro do Grupo Naturalista Hábitat, que compartiu co alumnado de 1º da ESO unha interesante sesión arredor da riqueza natural da nosa contorna.
Este encontro, titulado «Descubrindo a fauna da cunca do río Mero», enmárcase dentro do proxecto Encontros na biblio, unha iniciativa que busca achegar á biblioteca experiencias, persoas e coñecementos que van máis alá dos libros.
Ao longo da sesión, o alumnado tivo a oportunidade de coñecer máis de preto a fauna que habita na cunca do río Mero, descubrir a biodiversidade dos nosos ecosistemas e reflexionar sobre a importancia de respectar, coidar e conservar o medio natural.
Da man do Grupo Naturalista Hábitat, achegámonos á natureza máis próxima e comprobamos que o noso contorno agocha unha gran riqueza que paga a pena coñecer e protexer.
Desde aquí queremos dar as grazas ao Grupo Naturalista Hábitat, en especial a Atocha, por compartir con nós os seus coñecementos e entusiasmo, e por axudarnos a mirar con outros ollos a natureza que nos rodea; e a Andrés, por todo o seu esforzo para facer posible este encontro.
Seguimos abrindo as portas da biblioteca a novos encontros, novas aprendizaxes e novas descubertas! Logo da súa visita do luns, o xoves volveremos ter o pracer de recibir á asociación protectora APADAN.




.jpg)
.jpg)

.jpg)































