Como sempre, os contos volveron ateigar a biblioteca, nuns días nos que desfrutamos con historias cheas de humor, con outras que nos falaron do amor, e mesmo con algunha que nos fixo viaxar até o mundo dos contos tradicionais. Unha das actividades que máis risos provocou foi a dramatización que Elena, Aitana e Iria, alumnas de 6ºC, realizaron de "La Cenicienta", na versión que o xenial Roald Dahl creou para o seu libro Cuentos en verso para niños perversos.
Con esta obra, publicada por Alfaguara, poderedes gozar de contos que a bo seguro coñecedes, como Caperucita Roja, Blancanieves ou Ricitos de Oro, porén, non esperedes encontrar aquí a versión á que estades acostumados. Neste libro, Roald Dahl nos ofrece unha versión moito máis divertida...
Para que vos fagades unha idea do que ides atopar se vos mergullades nas páxinas desta obra, aquí vos deixamos un dos contos incluidos no libro, na boca dunha das mellores contacontos da actualidade: Beatriz Montero.
E aquí tedes algunhas fotos da actuación que Aitana, Elena e Iria realizaron para os seus compañeiros de 6ºc:
Nestes días nos que o 14 de febreiro nos fixo respirar máis amor que nunca, non podía faltar unha obra como ¿Qué es el amor? (Edelvives), con texto de Davide Cali e ilustracións de Anna Laura Cantone. Enma, a protagonista deste conto non ten claro que é iso do amor, polo que decide preguntarllo á súa romántica nai, ao seu pai amante do fútbol, á súa avoa reposteira... Este álbum nos permitiu reflexionar sobre este sentimento e sobre as diferentes clases de amor.
Lucía, Daniela, Luís, Icía, Ainara, Carla e Diego dramatizaron este fermoso conto para os pícaros de 4º de Infantil:
Outra das obras coa que nos divertimos estes días foi A casa da mosca chosca (Kalandraka), un clásico da nosa biblioteca baseado nun conto popular ruso, con texto de Eva Mejuto e ilustrado por Sergio Mora.
Carola, Sabrina, Khady e Paula, alumnas de 3ºC, leron o conto para 5º Inf.C., grupo ao que pertence Sofía, irmá de Carola. Sofía desfrutou especialmente coa sesión.
Carola, Sabrina, Khady e Paula, alumnas de 3ºC, leron o conto para 5º Inf.C., grupo ao que pertence Sofía, irmá de Carola. Sofía desfrutou especialmente coa sesión.
Outro conto co que puideron desfrutar varios grupos de Infantil foi O frautista de Hamelin, na versión que Xosé Ballesteros realizou para Kalandraka.
Lucía e Andrea leron este conto para 6ºInf. A e C. Pablo, irmán de Andrea e alumno de 6ºInf. A, divertiuse ao grande escoitando á súa irmá.
Os pícaros de 6ºInf. B tamén escoitaron este conto de boca da súa mestra Gema:
Estes días tamén escoitamos contos dunha das nosas coleccións favoritas, "A igualdade conta", de Edicións Embora. Un dos que máis gustou aos nenos foi Iriña bailarina, escrito por Cristina Justo e Paloma Rodríguez, e ilustrado por Spela Trobec. Con el reflexionamos sobre a igualdade de xénero, o cambio de roles e os estereotipos sociais.
Icía, Alba, Adriana e Isabel, de 5ºB, dramatizaron este álbum para 6ºInf. B:
Outra das obras que nos fixo desfrutar estes días foi Abuelito, cuéntame un cuento (SM), de María Rojas. Con ela asistimos a un fermoso conto protagonizado por un dragón, unha princesa e un cabaleiro.
Noelia, Óscar e Isabel, de 5ºB, contaron este álbum aos pícaros de 4º de Infantil:
Vanesa non quere ser princesa (Sotelo Blanco)), escrito por Xosé A. Perozo e ilustrado por Xaime Asensi, foi outro dos contos que lemos na biblioteca estes días. Con el asistimos á historia de Vanesa, unha nena que non ten aínda claro o que quere ser de maior: un día quere ser mestra, outro doutora, outro arquitecta, outro escritora... Porén, Vanesa si está segura dunha cousa: non quere ser princesa, senón libre para decidir por si mesma.
Aquí podedes ver os pícaros de 5ºInf. A atendendo á lectura da obra:
E como nos encanta viaxar, estes días fixémolo até unha época moi lonxana: a Prehistoria. Alí atopámonos con Orq, un neno cavernícola, e con Woma, o seu mamut, protagonistas de este ser ORQ (Planeta DeAgostini), escrito por David Elliott. A divertida historia de amizade entre Orq e Woma fíxonolo pasar ao grande.
Aquí podedes ver os pícaros de 6ºInf. B atendendo á lectura:
E logo de contos sobre o amor, de nenas que non queren ser princesas e de nenos cavernícolas, chega o Entroido!
