Inés e Candela, as nosas contacontos de 5ºC, seguen achegándonos a grandes mulleres da historia. Nesta ocasión detivémonos na figura de Amelia Earhart, unha intrépida aviadora estadounidense entre cuxas fazañas podemos destacar a travesía en solitario do Atlántico (1932), nunca antes realizada por unha muller, e o primeiro voo exitoso entre a illa de Hawai e o territorio continental dos Estados Unidos (1935).
Amelia, célebre polas súas marcas de voo, desapareceu en 1937 mentres tentaba completar a volta ao mundo pola liña do ecuador.
Achegámonos a esta muller a través da lectura de Amelia Earhart, unha obra escrita por María Isabel Sánchez Vegara e ilustrada por Mariadiamantes, publicada por Alba Editorial na súa colección "Pequeña y GRANDE", da que xa vos falamos en entradas anteriores.
Inés e Candela leron esta obra para 4ºC de Primaria:
E logo da lectura, desfrutamos cun divertido xogo no que puxemos a proba todos os nosos coñecementos sobre Amelia Earhart:
Grazas, Candela e Inés, por descubrirnos tantas mulleres xeniais!
No hay comentarios:
Publicar un comentario