Con motivo da celebración do Día Internacional do Libro, desde a biblioteca do colexio organizamos o concurso de debuxo “A miña personaxe favorita dos libros é…”, unha actividade na que participou alumnado de diferentes cursos amosando a súa creatividade e o seu amor pola lectura.
Os nenos e as nenas sorprenderon coas súas obras, cheas de cor, imaxinación e personaxes inesquecibles da literatura infantil. Queremos felicitar a todo o alumnado participante polo esforzo e polas magníficas creacións presentadas.
Nesta edición, as gañadoras do concurso foron:
- Sabela Noya Paradela, de 5º de Infantil A, co seu debuxo da Bela Durminte.
- Carmen Lage Freire, de 1º B de Primaria, coa súa representación do Monstro de Cores.
Parabéns ás dúas premiadas polo seu gran traballo e pola ilusión que transmitiron a través dos seus debuxos!
Desde a biblioteca queremos agradecer tamén a participación de todo o alumnado, das familias e dos titores, que contribuíron a facer desta actividade unha fermosa celebración arredor dos libros e da lectura.
Seguimos lendo, soñando e creando xuntos!
