ENTREVISTAS XORNALÍSTICAS 1ºESO

 

“O apellido Molinelli remóntase a tempos remotos”

 

Javier Molinelli é un home que foi á mili e cóntanos como foi a época na que estivo nela e ademais fala do seu primeiro apelido.

 

LUÍS MOLINELLI MARCOTE (1º ESO A)

 

A que idade foi á mili?

Aos dezanove anos.

 

Por que decidiu facela?

Porque naquela época un dos requisitos para poder traballar era ter o servizo militar cumprido e como eu non tiña pensado facer máis estudos e quería poñerme a traballar anulei  a prórroga de estudos un día e presenteime.

 

Onde a fixo?

Fíxena na base aérea de Morón de la Frontera, en Sevilla, na segunda rexión aérea.

 

Gustoulle facela?

Si.

 

Volvería facela?

Non.

 

Cre que hoxe en día debería facerse?

Non, o exército ten que ser profesional.

 

Cando a rematou, que fixo a nivel laboral?

Preparei un currículum e púxenme a buscar traballo.

 

Os seus pais están orgullosos de que a fixera?

Nin si nin non.

 

E os seus irmáns, algúns deles fixeron a mili?

Non, teño dous irmáns máis pequenos pero ningún deles a fixo.

 

Pareceulle moi dura?

Non.

 

Durante canto tempo a fixo?

Eu estiven un ano.

 

Falamos do seu apelido, quen era italiano ou italiana da súa familia?

Era o avó do meu avó.

 

Pode contar a historia do seu apelido?

O apellido Molinelli remóntase a tempos remotos. Foron gobernadores do Monte de Palermo  e foron príncipes e varóns.

 

Cales son as súas afeccións?

As miñas afeccións son a vela e despois todo o que conleva a bricolaxe, construción,  xardinería...

 

Fai algunha a día de hoxe?

Si, fágoas todas. Navego, fago bricolaxe e xardinería.

 

Cando foi á mili, practicaba algún deporte?

Si, naqueles anos facía o que hoxe en día se chama running. Daquela chamábase carreira  lixeira.