ENTREVISTAS XORNALÍSTICAS 1ºESO

 

"Emigrei porque quería un futuro mellor"

 

Manuel Tieso Franco ten 81 anos e está casado con María del Carmen. Cando era pequeno xogaba ás canicas e á buxaina. A el encántalle saír a pasear e falar cos seus amigos.

 

Paula Tieso Guimaraes (1º ESO B)

 

Onde naceu?

Nacín na provincia de Pontevedra, en Pintos, Marcón.

 

Como se chamaban seus pais?

Meus pais chamábanse Enrique e Carmen.

 

Ten irmáns? Cantos e como se chamaban?

Si, teño tres irmás e chámanse Rosalía, Aurelia e Lola.

 

A onde emigrou?

Emigrei a Venezuela.

 

 Cantos anos tiña cando emigrou?

Tiña dezaoito anos.

 

Por que decidiu emigrar?

Porque quería un futuro mellor.

 

Como coñeceu a súa muller?

Viviamos na mesma rúa.

 

En que traballou?

Traballei de carpinteiro.

 

Por que decidiu traballar diso?

Porque traballara de mecánico e non me gustaba e decidín traballar na carpintería.

 

Por que decidiu volver a Galicia?

Porque a situación en Venezuela non era boa.

 

Gústalle a música?

Si,  gústanme as rancheras e os merengues.