ENTREVISTAS XORNALÍSTICAS 1ºESO

 

“Antes non era como agora”

 

Isabel Canle, de 75 anos, fálanos da súa vida e de como foi cambiando. Agora mesmo está xubilada.

 

CARLA LÓPEZ GRANDA (1º ESO B)

 

Onde naceu?

Nacín en Roas, Cospeito, provincia de Lugo.

 

Na casa ou hospital?

Antes non era coma agora. Non fun ao hospital. Nacín na casa.

 

Como recorda o colexio?

Eu ao colexio tiña que ir andando. Non había autobús. Ir andando e vir andando. Vir á casa comer e ir pola tarde andando outra vez. Pero pasábao ben. Estudaba moito.

 

A que xogaba no recreo?

Xogaba a moitos xogos pero non me acordo como se chamaban. Pero si dun que lle chamabamos "Al pañuelo blanco".

 

Cando chegaba á casa do cole, que facía?

Pois facía os deberes, merendaba e axudaba a traballar.

 

Que xoguetes e libros recorda?

Pois bonecas, unha enciclopedia que me regalou meu tío, e xogaba co meu irmán e coas miñas primas.

 

Que quería estudar cando acabou no colexio?

Eu quería ser profesora, pero meus pais non tiñan medios, aínda que eu quitaba boas notas.

 

Despois que fixo?

Pois despois fun aprender a coser, bordar e calcetar.

 

Cal era a súa diversión?

A miña diversión era ir ás festas, á feira e á misa, que tiñamos que ir.

 

A que anos coñeceu o marido?

Aos 23 anos.

 

Como recorda a súa voda?

Na miña voda paseino ben. Pero non foi nun restaurante. Foi na casa coa miña familia.

 

Cantos fillos tiveron?

Tuven dúas fillas, Ana e Maribel.

 

Cantos anos estiveron xuntos de matrimonio?

Estivemos 26 anos, pero por desgracia aos 49 morreu.

 

En que traballaba cando morreu?

Traballabamos no campo e tiñamos vacas.

 

Cantos anos traballou?

Coticei 35 anos pero traballei moitos máis, ata os 65 anos en que me xubilei.

 

Agora que está xubilada que lle gusta facer?

Gústame pasear, facer de comer, traballar na horta e xogar ás cartas cos meus netos.

 

Que lle gusta da tele?

Gústame o Luar, Bamboleo, Land Rober e ver o telediario.

 

Le o periódico?

Si, gústame saber o que pasa no mundo.

 

Gústalle bailar, cal é o seu cantante favorito?

Si, iamos ás festas andando todas as amigas e o meu cantante é Manolo Escobar.

 

Cantos netos ten?

Teño dous, Yoel e Carla.

 

Como lle gustaría que foran os seus netos?

Gustaríame que tiveran unha boa saúde, que foran estudosos e educados para que saiban andar pola vida.