Esta semana, con motivo do Día Internacional do Libro, desfrutamos de diversas actividades dirixidas a celebrar esta data. Entre elas, encantounos unha visita moi especial, a da Bruxiña Magalia, que pasou pola biblioteca para facer desfrutar aos pícaros de 5º de Infantil cunha sesión de contacontos que só podemos calificar como espectacular.
O encontro comezou cunha versión que nos encantou do conto A vella na botella, publicado pola editorial OQO con texto de Roberto Mezquita e ilustracións de Alejandro Galindo.
A sesión continuou cunha das nosas obras favoritas: O polo Pepe (SM), escrito por Nick Denchfield e ilustrado por Ant Parker. Todos rimos a cachón con este divertido álbum e cantamos a súa canción. A sopa queima (OQO), de Pablo Albo e André Letria, e A vaca que puxo un ovo (Patas de peixe), de Andy Cutbill e Russell Ayto, foron as outras obras coas que puidemos desfrutar neste encontro.
Desde aquí damos as grazas á nosa bruxiña favorita polo ben que nolo fixo pasar na súa visita e vos animamos a todos a non perdervos os seus contacontos polas bibliotecas e librerías da Coruña. Para estar ao tanto dos seus contacontos podedes seguila no Facebook a través da súa conta "Bruxiña Magalia".
No hay comentarios:
Publicar un comentario