David López: «A miña gran afección é o mundo do motor»
David López Cao é un fontaneiro de 38 anos que vive en Santiago de Compostela pero que naceu nunha pequena aldea de Boimorto. Nesta entrevista fálanos da súa gran paixón ou afección da súa vida: «o mundo dos coches e a mecánica».
Carolina Díaz López (2º ESO A)
Por que decidiches ou que che
impulsou a traballar de fontaneiro?
Pois
a verdade non foi algo buscado, foi un tema que xurdiu e co paso dos anos
acabou sendo o meu traballo.
Gústache o teu traballo? Se puideras
cambiar algo, que sería?
Si,
en xeral si que me gusta, pero a verdade si que hai algúns traballos que son
bastantes duros fisicamente e creo que iso é o que cambiaría.
Que tiveches que estudar para exercer
esta profesión?
No
meu caso empecei con 18 anos e non estudei nada. Todo o que sei e aprendín ata
agora foi a base do propio traballo e á práctica.
Cantos anos levas neste oficio?
Pois
como mencionei antes, empecei con 18 anos e ata a data que agora teño 38, xa
levo 20 anos neste traballo.
Considéraste bo no teu traballo?
Si,
a verdade considérome un bo profesional, pero creo que en todos os traballos se
aprende algo novo cada día e sempre se pode mellorar.
Estás contento en xeral coa xente coa
que traballas, tanto os clientes como compañeiros e xefes?
Pois,
en xeral, si pero ao longo dos anos sempre hai pequenas disputas e días
mellores e peores. Ao final estamos nun ambiente laboral onde iso é secundario.
Cal é a túa gran paixón ou afección?
Por que?
A
miña gran afección é o mundo do motor porque xa desde pequeno foi algo que
sempre me chamou a atención e sempre me gustou.
Gustaríache traballar como mecánico
ou incluso ter o teu propio taller?
A
verdade non che sabería dicir moi ben. Ao final parte do hobby tamén forma facer mecánica pero aínda así creo que non me
gustaría mesturar o traballo coa afección.
Cantos coches tiveches ao longo da
túa vida?
Pois
uns catro ou cinco coches e algunha moto. Todos de diferentes marcas e modelos.
En relación con esta afección, gústanche
os deportes relacionados cos coches e motos?
Si,
gústanme todos os deportes que están relacionados co mundo do motor e gústame
velos e compartilos con compañeiros e amigos da afección.
Para rematar…
Invistes moito tempo da túa vida no
teu hobby?
Pois
sempre que o traballo mo permite, si. Intento desfrutar do meu hobby, sobre todo na fin de semana que é
cando máis tempo libre teño.
