Esta semana tivemos o pracer de recibir na biblioteca a visita de Ana, da Asociación Protectora APADAN, ubicada en Culleredo. Ana mantivo un encontro con alumnado de 2ºda ESO na que nos explicou cal é a misión dunha protectora, como son as condicións nas que chegan moitos dos cans, como se tratan unha vez que están alí no refuxio, e que debemos facer no caso de querer adoptar algún dos exemplares que viven nas súas instalacións.
Ademais, todos puidemos desfrutar do cariño de Petra, unha veterana de catorce anos, adoptada por Ana.
Desde aquí queremos dar as grazas a Ana por regalarnos o seu tempo e felicitala a ela e ao resto dos voluntarios da asociación polo importante labor que desenvolven. Todos aqueles que desexedes saber algo máis sobre APADAN, podedes visitar a súa web picando aquí.
