Este curso estamos a percorrer o mundo a través do proxecto UN FOGAR DE PAÍSES e, logo de visitar lugares como Venezuela e Arxentina, onte aterramos na China con 5ºC para probar algunhas das receitas máis saborosas da cociña dese país, grazas a un grupo de chefs composto por Miguel, Félix, Yago, Mateo e Adrián.
Estes cociñeiros de primeira mergulláronse na cociña chinesa investigando acerca de diferentes pratos típicos. Finalmente, decidiron prepararnos varios como mostra das delicias que ofrece a gastronomía da China: pan de gambas, galletas da sorte e pasteis de lúa.
 |
| Aquí podedes ver a Miguel amosándonos o pan de gambas, moi empregado como aperitivo. Tal e como nos explicaron, trátase dunha pasta elaborada con almidón de iuca ou de pataca, mesturada con pasta de marisco ou peixe e auga. Todo isto fritido en abundante aceite. |
 |
| Félix e Yago nos amosan as saborosas galletas da sorte que fixeron para os seus compañeiros. Trátase dunhas galletas de paredes delgadas e triscantes, enfornadas, e que no seu interior gardan unha mensaxe para quen as coma. |
 |
| Mateo e Adrián nos amosan os deliciosos pasteis de lúa que prepararon para a ocasión. Tal e como nos explicaron, trátase dun doce chinés consumido tradicionalmente na Festa do Medio Outono, unha das celebracións máis importantes da China. Polo xeral cómense acompañados de té chinés. |
Estes cinco cociñeiros explicaron aos seus compañeiros de 5ºC e aos de 2ºB como se prepara cada un destes pratos:
E logo, por suposto, chegou o mellor momento da sesión: a hora de probar o que prepararan para nós.
Despois de percorrer países como Venezuela, Arxentina e a China, próxima parada: o Brasil!
Para ver o video da actividade, preme sobre o enlace:
GuardarGuardar
No hay comentarios:
Publicar un comentario