ENTREVISTAS XORNALÍSTICAS 1ºESO

 Xabier Fernández Mateo, un universitario en Santiago de Compostela

Xabier é un estudante universitario que vive en Santiago de Compostela, onde está rematando o cuarto curso do Grao en Química. Combina as horas de estudo con algunhas actividades de lecer, organizando as súas tarefas e aproveitando o tempo ao máximo.

Daniel Fernández Rivera (1ºeso c)

Xabier, a que te dedicas?

Son estudante de Químicas na Facultade de Santiago.

Vives alí ou vas á facultade empregando algún medio de transporte?

Comparto piso en Santiago con outros dous compañeiros da facultade e vou á clase en autobús.

Que tal te encontras vivindo en Santiago?

Moi ben, Santiago é una cidade con moitos lugares para visitar e para divertirse. Alí vive unha morea de estudantes. Podes coñecer a moita xente e facer moi bos amigos. (Sorrí).

E teus pais onde viven?

En Cambre, preto da Coruña. Está moi lonxe de Santiago, así que non paga a pena andar indo e vindo tódolos días porque sería perder máis dunha hora ao día.

As fins de semana volves cos teus pais ou prefires quedar alí?

Depende, se teño moitos exames prefiro quedar alí para non perder moito tempo. Senón, paso as fins de semana cos meus pais e así vexo os meus familiares e amigos.

Por que decidiches estudar Químicas?

Paréceme moi interesante, xa que grazas á química se realizan investigacións no ámbito da saúde, na industria e na alimentación. Ademais, cando remate a carreira penso que poderei atopar un traballo con facilidade.

Que é o máis difícil da carreira de Químicas dende o teu punto de vista?

Todo o relacionado coas matemáticas, xa que non me gustan nada. (Baixa a cabeza). Existen moitas materias na carreira que teñen que ver co cálculo e coa estatística.

E o máis sinxelo?

Calquera materia relacionada coa química orgánica, inorgánica ou analítica. É dicir, resúltame doado calquera tema que teña moito que ver coa química.

Que fas polas mañás?

Polas mañás vou a clase e nas horas libres estudo na biblioteca da cacultade.

E polas tardes?

Polas tardes estudo cun grupo de compañeiros no noso piso. Tamén fago deporte dous días á semana.

Que deportes practicas?

Vou á piscina e xogo ao fútbol.

Que fas no teu tempo de lecer?

Os xoves e os venres pola tarde saio cun grupo de amigos e divertímonos moito. Por mor da pandemia, os grupos teñen que ser moi reducidos e respectamos tódalas restricións. Somos moi responsables.

Cal é o teu segredo para poder facer tantas cousas durante o día?

Organizarme moi ben e aproveitar o tempo ao máximo.

Onde che gustaría traballar cando remates a carreira?

Nunha empresa de hidrocarburos. Por exemplo, Repsol. Non me importaría traballar fóra de España.

Que consello lle podes dar a un estudante?

Que estude moito, se divirta e, sobre todo, desfrute de cada intre da súa vida.

 

Así é o día a día dun estudante na Facultade de Químicas de Santiago de Compostela que, sen dúbida, conseguirá todo o que se propoña na súa vida.